ᐊᐱᖅᑯᑕᐅᒐᔪᑦᑐᑦ

 


ᑭᒃᑯᑦ ᐱᓇᓱᐊᕈᓐᓇᖅᐸᑦ ᐃᓕᓐᓂᐊᕐᓂᕐᒧᑦ?

ᐊᔪᕐᓂᐊᖏᓪᓗᑎᑦ ᐃᓕᓐᓂᐊᕐᓂᕐᒧᑦ ᑖᒃᑯᑎᒎᓇ ᓄᓇᕗᑦᒥ ᐃᖃᓗᓕᕆᓂᕐᒧᑦ ᐱᓕᒻᒪᔅᓴᐃᓂᕐᒧᑦ ᐱᓕᕆᔩᑦ ᐊᕐᕌᒍᖃᕆᐊᖃᑦᑐᑎᑦ 18-ᓂᒃ ᐅᖓᑖᓄᓪᓘᓐᓃᑦ ᐊᒻᒪᓗ ᓄᓇᑖᖃᑕᐅᓯᒪᓗᑎᑦ ᑖᒃᑯᓇᓂ ᓄᓇᕗᑦᒥᒃ ᓄᓇᑖᕈᑎᓄᑦ ᐊᖏᖃᖅᑎᒌᒍᑎᓂ.


ᓇᒥᓕ ᐱᓕᒻᒪᔅᓴᐃᓂᖃᕋᔭᕐᒪᑕ?

ᓄᓇᕗᑦᒥ ᐃᖃᓗᓕᕆᓂᕐᒧᑦ ᐱᓕᒻᒪᔅᓴᐃᓂᕐᒧᑦ ᐱᓕᕆᔩᑦ ᐃᓘᓇᖏᓐᓂᒃ ᐃᓕᓐᓂᐊᕐᕋᔅᓴᓂᒃ ᓄᓇᕗᒻᒦᑎᑦᑎᓇᓱᐊᕐᓂᐊᖅᑐᑦ, ᑕᒪᕐᒥᐸᓗᖃᐃ ᐃᖃᓗᓐᓃᓪᓗᑎᒃ. ᐃᓕᓐᓂᐊᕐᑎᓪᓗᒋᑦ ᐃᓪᓗᒦᑦᑕᕆᐊᖃᑉᐸᑕ ᐊᑐᐃᓐᓇᐅᖏᑦᑐᒥ ᓄᓇᕗᑦᒥ, ᐃᓕᓐᓂᐊᖅᑐᑦ ᐊᐅᓚᖅᑎᑕᐅᒐᔭᖅᑐᑦ ᓯᓚᑖᓄᑦ ᓄᓇᕗᑦ ᐱᐊᓂᒍᓐᓇᕋᔭᕐᒪᑕ ᐃᓕᓐᓂᐊᖅᑕᒥᓂᒃ.


ᐃᓕᓐᓂᐊᖅᕕᐊᓗᒻᒥ ᐸᐃᑉᐹᑖᖅᓯᒪᔭᕆᐊᖃᑉᐳᖓ ᐊᔪᓐᓂᐊᕐᖏᓪᓗᖓ ᐃᓕᓐᓂᐊᕐᓂᕐᒧᑦ?

ᐅᖃᓕᒫᕈᓐᓇᕆᐊᓕᒃ/ᑎᑎᕋᕈᓐᓇᕐᓗᓂᓗ ᑕᒪᐃᓐᓄᑦ ᐃᓕᓐᓂᐊᕐᕈᑎᓄᑦ, ᑭᓯᐊᓂᓕ ᐃᓕᓐᓂᐊᖅᕕᐊᓗᒻᒥᒃ ᐸᐃᑉᐹᑖᖅᓯᒪᔭᕆᐊᖃᖏᑦᑐᖅ/ᐃᓐᓇᕐᓄᑦ ᐃᓕᓐᓂᐊᕐᕕᑦᑎᒍᑦ ᖁᕝᕙᒋᐊᖅᑎᑦᑎᓂᒃᑯᑦ ᐃᓕᓐᓂᐊᖅᓯᒪᓂᒃᑯᓘᓐᓃᑦ ᓇᓗᓇᐃᒃᑯᑕᕐᒥᒃ ᑖᒃᓱᒧ ᓇᓗᓇᐃᔭᐃᓂᕐᒧᑦ ᐃᓕᓐᓂᐊᕐᕈᑎᒧᑦ. ᑭᓯᐊᓂ, ᐊᒥᓱᑦ ᓯᕗᕙᖅᓯᒪᓂᖅᓴᐅᔪᑦ ᐃᓕᓐᓂᐊᕐᕈᑏᑦ ᐃᓯᕐᓂᕐᒧᑦ ᐊᑐᕆᐊᖃᖁᔭᐅᓯᒪᔪᓂᒃ ᐱᖃᓯᐅᔾᔨᓯᒪᓲᑦ ᐱᐊᓂᒃᓯᒪᓂᖓᓄᑦ ᐃᓕᓐᓂᐊᖅᕕᐊᓗᒻᒥ. ᐃᓕᓐᓂᐊᕐᕈᑎᓐᓂᒃ ᖁᕝᕙᕆᐊᖅᓯᔪᒪᓐᓂᕈᕕᑦ ᐃᓕᓐᓂᐊᕐᓗᑎᑦ ᑖᒃᓱᒥᖓ ᐃᓕᓐᓂᐊᕐᓚᐅᖏᓂᓐᓂ, ᐃᑲᔪᕈᓐᓇᖅᐳᒍᑦ ᐃᓕᓐᓂᒃ ᐸᕐᓇᐃᓗᑕ..


ᐃᓕᓐᓂᐊᕐᕆᐊᖃᑉᐳᖓ ᐃᓚᖓᓐᓂᒃ ᐃᓕᓐᓂᐊᕐᕈᑎᒥᑦ ᒫᓐᓇᐅᔪᖅ ᑎᑎᕋᖅᑕᐅᓯᒪᔪᒥᒃ ᑖᒃᑯᓇᓐᖓᑦ NFTC-ᑯᓐᓂᑦ?

No. If you find any fisheries-related course that you would like to take, we can help you. Call the office for more details.


ᖃᓄᖅ ᐊᑯᓂᐅᑎᒋᕙᑦ ᐃᓕᓐᓂᐊᕐᕈᑏᑦ?

ᐃᓕᓐᓂᐊᕐᕈᑏᑦ ᐊᑦᔨᒌᖏᑦᑐᑦ ᐊᑯᓂᐅᓂᖏᑎᒍᑦ ᐱᓇᓱᐊᕈᓯᕐᓄᑦ ᐱᖓᓱᓂᑦ ᐊᕐᕌᒍᓄᑦ ᐱᖓᓱᓄᑦ ᐃᓚᖏᑦ. ᐅᖄᓚᓗᑎᑦ ᐊᓪᓚᕕᒻᒧᑦ ᑐᑭᓯᒋᐊᒃᑲᓂᕐᓗᑎᑦ ᐃᓕᓐᓂᐊᕐᕈᑎᖏᓐᓄᑦ ᑖᒃᑯᐊ NFTC-ᑯᑦ ᐊᑐᐃᓐᓇᐅᑎᑕᖏᓐᓄᑦ.


ᐃᓕᓐᓂᐊᕐᕈᑏᑦ ᖃᑦᑎᕌᒻᒪᑕ?

ᓄᓇᕗᑦᒥ ᐃᖃᓗᓕᕆᓂᕐᒧᑦ ᐱᓕᒻᒪᔅᓴᐃᓂᕐᒧᑦ ᐱᓕᕆᔩᑦ ᐊᑭᓖᖃᑦᑕᖅᑐᑦ ᐃᓘᓇᖏᓐᓂᒃ ᐊᑭᒋᔭᐅᔪᓂᒃ ᐃᓕᓐᓂᐊᕐᓂᕐᒧᑦ. ᐱᖃᓯᐅᔾᔨᓪᓗᓂᓗ ᐃᓕᓐᓂᐊᕐᕈᑏᑦ ᐊᑭᓖᔾᔪᑎᖏᓐᓂᒃ, ᐃᖏᕐᕋᔾᔪᑎᓄᑦ ᐊᖏᕐᕋᓐᓂᒃ ᐃᓕᓐᓂᐊᕐᕕᓐᓄᑦ ᐊᒻᒪᓗ ᐅᑎᒧᑦ, ᑐᔪᕐᒥᔾᔪᑏᑦ ᐊᒻᒪᓗ ᓂᕿᓄᑦ. ᐱᑕᖃᑦᑎᑦᑎᒻᒥᔪᒍᑦ ᒥᑭᔫᒐᓗᐊᒥᒃ ᐃᓕᓐᓂᐊᕐᓂᕐᒧᑦ ᑮᓈᐅᔭᖅᑖᖑᕙᑦᑐᓂᒃ ᐊᓯᖏᓐᓄᑦ ᐊᑭᓖᔾᔪᑎᔅᓴᓂᒃ.


ᑭᒃᑯᑦ ᐃᓕᓐᓂᐊᕐᓂᖃᑦᑎᑎᒻᒪᑕ?

ᓄᓇᕗᑦᒥ ᐃᖃᓗᓕᕆᓂᕐᒧᑦ ᐱᓕᒻᒪᔅᓴᐃᓂᕐᒧᑦ ᐱᓕᕆᔩᑦ ᑲᑐᔾᔨᖃᑎᖃᑦᑐᑎᒃ ᓄᓇᕗᑦ ᐅᑭᐅᖅᑕᖅᑐᒥ ᓯᓚᑦᑐᕐᓴᖅᕕᑯᓐᓂᑦ ᐃᓕᓐᓂᐊᕐᕋᔅᓴᖃᑦᑎᑦᑎᔪᑦ ᑖᒃᑯᐊ NFTC-ᑯᑦ ᐊᑭᓕᖅᓱᖅᑕᖏᓐᓂᒃ. ᐃᓕᓴᐃᔩᑦ ᑖᒃᑯᓇᓐᖔᖓᔪᑦ ᑕᕆᐅᕐᒥᐅᑕᓕᕆᓂᕐᒧᑦ ᐱᓕᕆᕝᕕᒃ ᐃᓕᓐᓂᐊᕐᕕᔾᔪᐊᖓᓂ Memorial ᓂᐅᕙᐅᓛᓐᒥ.


ᖃᓄᑎᒋ ᐃᓕᑕᕆᔭᐅᓂᖃᑉᐸ ᐃᓕᓐᓂᐊᕐᓂᖅ ᑖᒃᑯᓇᓐᖓᑦ ᐱᑕᖃᑦᑎᑕᐅᔪᖅ NFTC-ᑯᓐᓂᑦ?

ᐃᓕᓴᐃᔨᓕᒫᑦ ᐃᓕᑕᕆᔭᐅᓯᒪᔪᑦ ᑲᓇᑕᒥ ᐃᖏᕐᕋᖃᑦᑕᖅᑐᓕᕆᔨᒃᑯᓐᓂᑦ ᐊᒻᒪᓗ ᐃᓕᓐᓂᐊᕐᕋᔅᓴᐃᑦ ᐊᑐᖅᑎᐊᖅᑐᑎᒃ ᐊᑐᖅᑕᐅᔭᕆᐊᖃᑦᑐᖁᑎᖏᓐᓂᒃ ᑖᒃᑯᐊ ᑲᓇᑕᒥ ᐃᖏᕐᕋᖃᑦᑕᖅᑐᓕᕆᔨᒃᑯᑦ. ᐱᐊᓂᒃᓯᒪᔪᑦ ᑕᕝᕙᓐᖓᑦ NFTC-ᑯᑦ ᐃᓕᓐᓂᐊᕐᕈᑎᖏᑎᒍᑦ ᐊᑐᖃᑦᑕᖅᑐᑦ ᑲᓇᑕᒥ ᐃᓕᓐᓂᐊᕐᓂᕐᒧᑦ ᐊᑐᖅᑕᐅᔭᕆᐊᓕᓐᓂᒃ.


ᐊᑕᐅᓯᐅᖏᑦᑐᒥᒃ ᐃᓕᓐᓂᐊᕐᕈᓐᓇᖅᐳᖓ?

ᐄ. ᐱᐊᓂᒃᓯᑦᑎᐊᕐᕈᕕᑦ ᐃᓕᓐᓂᐊᕐᑕᓐᓂᒃ ᐅᕙᑦᑎᑎᒍᑦ, ᐃᑲᔪᖅᑕᐅᕗᑎᑦ ᐅᑎᖁᔭᐅᓪᓗᑎᒃ ᐊᒻᒪᓗ ᐱᓕᒻᒪᔅᓇᒃᑲᓐᓂᕐᓗᑎᑦ ᐃᓕᓐᓂᐊᕐᕈᑎᑦᑎᒍᑦ. ᐃᓚᖏᑦ ᐃᓕᓐᓂᐊᕐᕋᔅᓴᐃᑦ ᐅᒥᐊᕐᔪᐊᕐᒦᒋᐊᖃᑦᑐᑦ. ᖃᐅᔨᒋᐊᕐᓗᑎᑦ NFTC-ᑯᓐᓄᑦ ᑐᑭᓯᒃᑲᓂᕐᓂᐊᕐᕋᕕᑦ.


ᖃᖓᒃᑯᑦ ᐃᓕᓐᓂᐊᕐᕋᔅᓴᐃᑦ ᐱᒋᐊᕋᔭᕐᒪᑕ?

ᐃᓕᓐᓂᐊᕐᕋᔅᓴᐃᑦ ᐱᒋᐊᖃᑦᑕᖅᑐᑦ ᑕᕝᕙᓂᒃᓴᐃᓐᓇᐅᖏᑦᑐᖅ ᐊᕐᕌᒍᒥ, ᑭᓯᐊᓂᓕ ᐅᑭᐊᒃᓵᖑᓕᕋᐃᒻᒪᑦ ᐊᒻᒪᓗ ᐅᑭᐅᒃᑯᑦ ᐱᒋᐊᒐᔪᑦᑐᑦ. ᖃᐅᔨᒋᐊᖅᑕᐃᓐᓇᕐᓗᑎᑦ ᖃᕋᓴᐅᔭᒃᑯᑦ ᑐᑭᓯᒋᐊᖅᕕᖓᑎᒍᑦ ᐃᓕᓐᓂᐊᕐᕋᔅᓴᐅᓂᐊᖅᑐᓂᒃ. ᑖᒃᑯᐊ NFTC-ᑯᑦ ᑐᓴᐅᒪᑎᑦᑎᒻᒥᔪᑦ ᓄᓇᓕᓐᓂ ᐊᖑᓇᓱᒃᑐᓕᕆᔨᒃᑯᑦ ᑲᑎᒪᔨᖏᓐᓂᒃ ᐊᒻᒪᓗ ᓄᓇᕗᑦ ᐅᑭᐅᖅᑕᖅᑐᒥ ᓯᓚᑦᑐᕐᓴᖅᕕᒃᑯᑦ ᐃᓕᓴᐃᔨᖏᓐᓂᒃ ᓯᕗᓂᐊᒍᑦ ᐱᒋᐊᓚᖏᑎᓪᓗᖏᑦ ᐃᓕᓐᓂᐊᕐᕋᔅᓴᐃᑦ. ᑕᑯᓂᐊᕐᒥᔪᑎᑦᑕᐅᖅ ᓴᖅᑭᔮᖅᑎᑕᐅᔪᒥᒃ ᐱᕙᓪᓕᐊᔪᑎᒍᑦ ᐅᕝᕙᓘᓐᓃᑦ ᓄᓇᓖᑦ ᑕᓚᕖᓴᒃᑯᑦ ᑕᑯᒃᓴᐅᑎᑦᑎᕕᐅᕙᑦᑐᒥ ᐱᕙᓪᓕᐊᔪᓂᒃ.


ᖃᓄᖅ ᑕᑕᑎᕆᔪᓐᓇᕋᒪ?

ᖃᕋᓴᐅᔭᒃᑯᑦ ᑕᑕᑎᕆᔪᓐᓇᖅᐳᑎᑦ. ᐅᕝᕙᓘᓐᓃᑦ, ᐊᐱᕆᓗᑎᑦ ᓄᓇᑦᓯᓐᓂᒃ ᐊᖑᓇᓱᒃᑐᓕᕆᔨᒃᑯᓐᓂᑦ ᐊᒻᒪᓗ ᓯᓚᑦᑐᕐᓴᖅᕕᒃᑯᑦ ᐃᓕᓴᐃᔨᖓᓐᓂᒃ ᑎᑎᕋᖅᕕᒃᓴᒥᒃ ᑕᑕᑎᕆᐊᓕᒻᒥᒃ ᐱᔪᒪᓗᑎᑦ. ᐃᖃᓗᓐᓃᒃᑯᕕᑦ, ᐊᓪᓚᕕᑦᑎᓐᓄᐊᕈᓐᓇᖅᐳᑎᑦ ᐃᓪᓗ 208-ᒧᑦ (ᐊᖑᓇᓱᒃᑐᓕᕆᔨᒃᑯᑦ ᐃᓪᓗᖁᑎᖓᓄᑦ, ᓴᓂᐊᓃᑦᑐᖅ ᑕᑯᔭᒐᖃᕝᕕᐅᑉ).